سرینگر11جولائی(ایس او نیوز/آئی این ایس انڈیا)جموں و کشمیر میں کل رات امرناتھ حجاج کرام پر دہشت گردانہ حملے کے پیش نظر وزیراعلیٰ محبوبہ مفتی نے آج یہاں اپنی کابینہ کی ہنگامی میٹنگ کی وہیں گورنر این این ووہرا نے امرناتھ یاترا کی حفاظت کا جائزہ لیا۔ایک اہلکارنے کہاکہ کل رات اننت ناگ میں حملے کے بعد کی صورت حال پر تبادلہ خیال کے لیے وزیر اعلی کی صدارت میں کابینہ کی میٹنگ شروع ہوئی۔اس سے پہلے گورنر جو مسٹر امرناتھجی مزار بورڈ کے چیئرمین بھی ہیں نے سیکورٹی جائزہ میٹنگ کی جس ریاست کے شہری انتظامیہ، پولیس،فوج، سی آر پی ایف اور انٹیلی جنس افسران نے حصہ لیا۔ایک سرکاری ترجمان نے کہاکہ گورنرنے صبح 11بجے ہنگامی  جائزہ میٹنگ کی جس میں سفر سے منسلک سیکورٹی کے تمام پہلوؤں کاجائزہ لیاگیا۔ترجمان نے کہاکہ یہ فیصلہ کیاگیاکہ یاتراجاری رہے گی۔اس فیصلے سے تمام کیمپ ڈائریکٹرز اور جموں میں مسافر رہائش کو آگاہ کیا گیا ہے۔